Mientras cu expansion di Aeropuerto no ta cla, mester inverti den bus pa transporta pasahero

Actualmente AAA N.V. tin como 20 posicion pa acomoda e avionnan cu ta bin Aruba, di cual 8 so por haci uso di servicio di slurf.

Loke nifica cu mester haci uso di bus pa recoge e pasaheronan pa hiba nan n’e terminal. Y tumando na cuenta cu mas turista ta scoge Aruba pa bishita, nifica cu mester sigui duna e servicio desea.

 

Actualmente AAA N.V. tin 7 bus pa haci e trabao di transporte aki. E busnan aki tey pa brinda tur compania di aviacion e servicio desea pa mas liher posibel ora di yegada y di salida, na un manera mashs smooth.

Pero manera ta conoci, un di e motibonan cu lo traha riba expansion di terminal, ta meramente pasobra e ta birando chiquito

 

Actualmente mes, maske cu a caba di amplia e sala di yegada, cu a keda hopi bunita, cu sigur lo bay na acomoda e fluho di pasahero na un manera mas eficiente.

Awor AAA N.V. mester enfoca riba nan checking-in area y e security check-point, cu ta birando un bottle-neck. Mester bay traha hopi liher riba esaki.

 

Pa loke t’e pista, no mester alarga esaki mas, pasobra e tin e largura necesario, pasobra e avionnan cu ta bin Aruba, ta  hopi mas moderno y eficiente. Nan ta usa menos pista pa lanta buelo. Esey ta haci cu e largura di e pista aworaki ta cumpli cu demandanan internacional.

 

 

Leave a Reply

Top