Mike de Meza bishitando cas pa cas: San Nicolas ta contento cu desaroyo y futuro

 

Den siman y den weekend, ing. Mike de Meza, actual Minister di Turismo, Transporte, Energia y Medio Ambiente, ta bishitando habitantenan, splicando di e trabou realisa, di e situacion actual y di e futuro awor cu San Nicolas a bira e centro di desaroyo y progreso economico.

 

E aceptacion ta masha grandi, awor cu pueblo ta sinti un bon balansa den e mehoracion di infrastructura, e inversionnan grandi den energia alternativa pariba di brug y awor cu e desaroyo economico dor di e reapertura di refineria.

 

Hunto cu ne ta nota e inversionnan cu mesora a cuminsa cristalisa den edificionan renoba y nobo, mescos ta companianan cu a cuminsa recluta trahadonan atrobe y por fin ta cuminsa mira mas bida y movecion pariba di brug.

 

Mike de Meza a sigura e comunidad di San Nicolas y pariba di brug cu “The best is yet to come”, pasobra tin mas desaroyo tumando luga cu ainda lo por cambia e panorama di San Nicolas mas ainda.

Top