Mildred Schwengle huramenta pa Raad van State

Mildred “Milly” Schwengle e siman aki a huramenta dilanti Rey Willem Alexander como miembro Arubiano di Raad van State (RvS) di Reino. Manera ta conoci, e ultimo representante di Aruba tabata dr. Mito Croes kende a fayece aña pasa.

E lo bay traha den e seccion di Conseho, cual ta reuni un biaha pa luna, riba diaranson, y ta papia riba tur asunto cu ta relaciona cu Reino manera Rijkswetten, Algemene Maatregelen van Rijksbestuur y Tratadonan di Reino. Ademas di e miembronan di e seccion, tambe ta sinta e miembronan apunta door di e otro partnernan di Reino.

Schwengle a studia ley na Universidad Catolico di Nijmegen y for di 1990 pa 1992 e tabata Reemplasante di fisal na Ministerio Publico na Aruba. Despues e tabata te cu 1994 Griffier den Corte di Prome Instancia. Na 1994 el a haci un cambia y a drenta e ramoa di Abogacia. Desde 1999 e tabata Managing Partner  den e Bufete di Abogado HBN Law.

Leave a Reply

Top