Miles di hende a atende “Birthday Block Party” pa Mike de Meza

Cu un cushina bon surti cu cuminda tipico y platonan estilo San Nicolas, bar bon prepara y cu un seleccion di e mihor bandanan musical di nos isla, asina Minister ing. Mike de Meza a celebra su hacimento di aña diasabra anochi dilanti Cas di Partido AVP na San Nicolas.

E evento a cuminsa for di atardi y a sigui te den oranan lat di anochi. Entre e invitadonan tabatin famia di e mandatario, su coleganan Minister, Parlamentarionan y miles di votador y sostenedornan di AVP.

“Mike de Meza’s Birthday Block Party” a conta cu presentacion di Mike’s Disco, Ataniro, Nutzbeatz, DJ Whiteboy, Tsunami, La Groove y Dongo for di Corsou.

Top