Milo Martes, candidato #24 lista di POR: All of us do not have equal talent, but all of us should have an equal opportunity to develop our talent

Awor cu scol a habri nos ta wordo confronta cu e problemanan cu anteriormente ya a menciona na varios ocasion. POR ta kere firmemente cu enseñansa ta e motor di cualkier sociedad prospero y ta conduci na desaroyo social y crecemento economico.

Ami mes ta docente y ta wordo confronta cu varios di e problemanan aki den nos enseñansa y serca nos hubentud. Caminda ami ta mira cu mi por haci e diferencia ma dicidi di pone mi mes pa traha pa esaki. Drop-outs y dreamers ta algo cu nos ta mira basta y mester bin cu un solucion pa esaki, segun Milo Martes.

 

Den un fase mas trempan cu ta posibel scolnan mester identifica cua ta e muchanan cu tin e risico mas grandi di bira drop-outs y conhuntamente cu otro instancianan percura pa guia y sosten necesario. Tambe e ley di leerplicht mester wordo ehecuta.

Pero tambe mester bin cu un localidad mas central, mirando cu pa cu e parti di middag MAVO ta na San Nicolas so tin, haciendo esaki hopi dificil pa e parti di Noord, cu ta creciendo masalmente, por yega, Martes ta splica.

 

Parti di e problema di drop-outs ta e parti social. Ora e hoben tin problema na cas ta bira mas dificil pa e por bay scol pa diferente motibo. Sea financieramente e no por dor di no por paga pa transporte; tambe tin di nan ta traha y no por yega na ora dor di e distancia.

Otro parti ta cu te cu su 18 aña e no por bay un avond MAVO y traha. No tin leynan pa por yudanan pa bay scol y keda traha. Tin leerplicht pero esaki no ta funciona optimalmente, dor cu hopi “randvoorwaardes” no ta “in place”, Martes ta mustra.

 

Un localidad mas central (J.F.K. school) ta un di e solucionnan pa e problema aki. E ta haci posibel cu por yega mas facil y mas lihe, y cu miho implementacionan di leynan cu lo benifecia e hoben pa por bay scol. Tambe e localidad aki lo por funciona como un doorstroom school mirando cu actualmente esakinan no ta adecua y ta crea scenarionan peligroso.

P’esey ami hunto cu boso y POR lo traha pa enseñansa y trece solucionnan pa e problemanan cu tin, pasobra ami ta kere cu nos tur merece un enseñansa di calidad, Martes ta conclui.

Top