Minister Arthur Dowers a atende ceremonia di apertura di Weganan di Reino

WILLEMSTAD: Tio Daou Ballpark tabata e sede p’e apertura di e asina yama, Weganan di Reino diamars atardi. Cu actuacion di e.o. brassband y grupo di baile como tambe un orquestra local di Corsou, e paisnan den Reino cu ta competiendo a desfila y subi riba tereno.

Di e forma aki a duna inicio oficial n’e competerncia cu tin como filosofia, un deportista mas ta un criminal menos, pero tambe pa estrecha e lasonan entre e futuro generacion den Reino.

Durante e encuentro Minister mr. drs. Dowers a combersa cu tanto Prins Pieter-Christiaans van Oranje y tambe cu Minister di Husticia di Corsou, mr. Girigorie encuanto e bunita proyecto aki, como tambe algun otro topico cu paisnan den Reino tin en comun.

Gobernador di Corsou, sra. Lucille George-Wout, tambe tabata presente n’e acto ceremonial aki.

Pa loke ta trata e competencianan deportivo, Aruba lo ta compitiendo cu dos team den e disciplina di futbol e aña aki.

 

Leave a Reply

Top