Minister Arthur Dowers hunto cu delegacion di husticia, a atende reunion importante di JVO

Seis luna pasa, a tuma lugar e asina yama “Justitieel Vierlanden Overleg” (JVO), na Aruba.

E reunion aki ta wordo organisa cada pasa seis (6) luna y e biaha aki, esaki a tuma lugar na pais ruman Sint Maarten.

E dos dianan, esta dia 10 y 11 di juli 2017, e reunion intensivo y structural aki tuma lugar cu participacion di e 4 paisnan ruman den Reino, esta Sint Maarten, Corsou, Hulanda y Aruba.

Cada Minister di Husticia di cada pais ta biaha cu nan topnan den e ramo di husticia como parti di nan delegacion, cu ta consisiti di por ehempel, e Korpschef di Polis, Hefe di Veiligheidsdienst, Procurador General (PG), y e coordinator di JVO.

Banda di esaki y depediendo di e puntonan di agenda, e Minister encarga cu husticia ta invita un cu e otro departamento tambe.

Segun informe, cu e topiconan cu a wordo discuti e biaha aki, tabata consisti di e.o. management development pa Polis riba nivel strategico y tactico.

Tambe a haci evaluacion di e Rijkswetten Hof OM y Polis. A hiba un discucion amplio riba e ‘samenwerkingsverband‘ di Recherche Samenwerking Team, esta (RST), begroting Hof, cooperacion riba combatimento di terorismo, e cooperacion riba tereno di specialist detentieregime, cooperacion riba grensbewaking y tambe a bolbe discuti riba e cooperacion riba combatimemto mensenhandel cu mensensmokkel.

E reunion aki di “Justitieel Vierlanden Overleg” (JVO), a bay den un hopi bon ambiente y esaki cu cooperacion di tur e 4 paisnan den Reino cu a participa.

E siguiente JVO, lo a wordo stipula pa tuma lugar dia 15 y 16 di januari 2018, na pais ruman, Corsou.

Leave a Reply

Top