Minister De Meza ta felicita tur empleado di Departamento Meteorologico

Awe 23 di maart ta e fecha cu e Organisacion Mundial di Meteorologia (OMM) ta celebra dia Internacional di Meteorologia.

 

E dia aki ta pa conmemora e fecha historico ora cu e Organisacion Mundial di meteorologia a asumi e previo responsabilidad di e Organisacion Internacional di Meteorologia (IMO) funda na aña 1873. Riba 23 di maart 1950, e Organisacion Mundial di Meteorolgia a wordo funda y na aña 1951 a cuminsa forma parti di Nacionnan Uni.

 

E Organisacion Mundial di Meteorolgia ta e organo oficial y esun autorisa, cu ta duna conseho na Nacionnan Uni riba tereno di comportacion di tempo, clima, awa y su interaccion riba nos planeta cu ta hunga un rol hopi importante pa loke ta seguridad y bienestar di bida humano.

 

A bira un tradicion cu tur aña un tema ta wordo escogi y e aña aki a scoge “Understanding Clouds” pa compronde e rol vital cu nubianan tin riba tempo, clima y awa.

Departamento Meteorologico di Aruba (DMA) ta celebra e dia Mundial di Meteorologia como e instancia oficial na Aruba relaciona cu actividadnan meteorologico, climatologico y hydrologico.

 

Pa e motibo aki Minister di Turismo, Transporte, Energia y Medio Ambiente Mike de Meza, kier a felicita tur e empleadonan di Departamento Meteorologico Aruba rib’e fecha special aki pa nan excelente trabou y contribucion na nos comunidad cu informacionnan meteorologico y climatologico.

Top