Minister di Salud Publico, Cuido di Nos Grandinan y Deporte, dr. Carlos “ firAlex” Schwengle; Ama “intentieverklaring” pa introduci norma den deporte

E proyecto pa introduci un “Good Governance Code” a inicia for di mas cu 2 aña pasa caba. Minister di Salud Publico, Cuido di Nos Grandinan y Deporte, dr. Carlos “Alex” Schwengle, hunto cu partnernan IBiSA, ASU, COA, FLpD y FFD a firma un “intentieverklaring” pa promove mas y miho maneho den deporte. Lo introduci etica den mundo deportivo p’asina cosnan por cana den un bon direccion.

 

A cuminsa pensa rib’e parti con lo bay reorganisa y restructura deporte en general, pero tambe tur trabou cu ta bin ta haciendo den e parti di salud publico. Cada bes ta pega cu mester tin un tiki mas calidad di gobernacion, pasobra tur hende ta papia di dje. A yega na un consenso, un unidad den vision y esey a culmina den e documento di vision 2017-2027.

A firma un intentieverklaring den e prome mita aña, unda cu esaki ta e vision desea pero tambe loke e mundo deportivo kier pa Aruba.

 

Si papia di bon gobernacion, si ta cumpli cu reglanan, mester tin un codigo. Asina aki a bin cu e idea pa introduci codigo di bon gobernacion no solamente den salubridad pero den deporte tambe. E codigo di bon gobernacion di salubridad a keda firma e aña aki y awo falta esun di deporte. E documento mester tin su unidad cu ta para su tras y esaki ta e partnernan cu a firma.

A yega na e acuerdo cu esaki lo ta e bon gobernacion. Esaki no ta un ley pero e ta mas un acuerdo unda cu a bin di e boluntad propio di e partnernan den e mundo di deporte.

Pasobra bou di nan tin e federacionnan y bou di nan tin e clubnan. Kier introduci e bon gobernacion pe partnernan y cu tempo lo introduci esaki p’e federacionnan.

 

Gobierno ta di acuerdo cu e puntonan di bon gobernacion. Nan ta encera algun cos importante unda cu ta bisa pa traha integro y a keda defini kico esey ta, unda cu mester demostra di ta integro y no simplemente bisa. E documento ta duna e integridad bida y e ta hancra esaki tambe, pero tambe transparencia. Esaki ta unda cu mester ta transparente no solamente den maneho pero tambe den e obhetivo nan cu ta desea di logra, con ta logra esakinan.

Tambe e parti financiero, cual mester duna bon transparencia di unda e placa a bin y bay.

Duna cuenta di kico ta haci, di cual esaki ta masha facil ora di palabra. Ora cu haci un palabracion y si desvia di esaki, por lo menos por duna un splicacion dicon. Esaki ta e etica cu kier bay introduci den e maneho di mundo deportivo, pero tambe den salubridad.

Top