Minister di Trabao, drs. Paul Croes: Desigualdad salarial entre hende muher y hende homber na Aruba ta sigui bira mas smal

E hende muher su presencia den mercado laboral ultimo añanan ta visibel. Cifranan colecta ta mustra un reduccion continuo den desempleo di hende muher.

Na 2011 e participacion di hende muher tabata 58.8% compara cu hende homber, cu un participacion di 69.6%. y na 2014 esaki tabata 61.9%.

 

Aunke e participacion di e hende muher den mercado laboral ta keda mas abou cu e hende homber, e participacion di e hende muher ta keda stabiel y ta crece cu stapnan chikito.

Na 2015 e participacion di hende muher tabata 58.6%.

 

Tabel 1. ta duna un bista di e cifranan di ultimo añanan p’e dos indicadornan aki.

 

 

Locual a hala hopi atencion t’e desigualdad salarial entre hende muher y hende homber den e mercado laboral di Aruba cu ta sigui bira mas smal den e ultimo añanan aki.

E desigualdad salarial ta nifica pago igual pa trabou igual.

E desigualdad salarial aki ta wordo midi pa medio di e mediano den salario y ta wordo midi actual cu informacion di trahadornan den sector priva.

 

Den e siguiente grafico nos ta mira cu den 2011 e desigualdad salarial tabata 18.88% y awor den 2015 e desigualdad salarial entre hende muher y hende homber a bira 13.31%.

Esaki ta nifica cu Aruba ta bayendo den bon direccion pa sigur kita tur discriminacion riba salario di hende muher y hende homber p’e mesun funcion.

Leave a Reply

Top