Minister di Trabao, Paul Croes: Tin 350 trahador local den CITGO

Minister drs. Paul Croes di Trabao a confirma cu ya caba tin mas di 350 personanan local na trabou den e refineria.  Esaki ta incluyendo e contratistanan y tambe directo cu CITGO.

“Te n’e momentonan aki ya caba tin mas di 350 trahador local laborando den e refineria sea directo of indirecto.

Y mi lo kier impulsa mas ainda den e luna nan nos dilanti. Nos lo mira mas hende wordo emplea den e lunanan nos dilanti.

 

Pa nos e localnan tin prioridad esaki tambe ta locual mi a enfatisa durante nos ultimo bishita na Venezuela. Contratistanan local y trahadornan local ta mi prioridad”, Minister Paul Croes a reteira.

A tuma nota cu oposicion kier purba crea e impresion eroneo cu lo tin un cantidad grandi di persona di Trinidad of for di Venezuela na caminda pa Aruba y Minister Paul Croes a mustra cu esaki no ta cuadra cu e realidad.

 

Locual oponentenan politico ta purba haci ta crea incertidumbre den e logro importante aki di Gobierno di AVP.

“Ami ta Minister di Trabao di Aruba y ta para pa trahadornan local. Te ne momentonan aki mi por informa nos comunidad cu tin 350 posicion directo y indirecto a wordo yena pa trahadornan local y nos lo continua riba e rumbo aki tambe.

Oposicion ta trata na bruha tera cu cosnan cu no ta cuadra. Percura cu nos localnan haya e prome opcion pa empleo.

 

Ta tata y mamanan di famia Arubiano y hendenan cu añanan biba na Aruba cu ta contribui na nos economia. Mi ta lamenta cu pa motibo di desesperacion politico ta trata na troce berdad pa cu pueblo,” Minister Paul Croes a mustra

Leave a Reply

Top