Minister Dowers ta expresa: E trabou di un enfermero bo ta siña admira y aprecia

Henter e siman cu ta pasando aki nos conoce y ta celebra e asina yama ‘Nurse week’, pero rib’e fecha 12 di mei  di tur aña, nos ta celebra dia di enfermeronan.

E trabou di un enfermero ta un profesion cu tin como focus, e cuido di un individual, famia y comunidad, pa yuda duna nan un miho calidad di bida durante sea nan recuperacion y/of durante e proceso di un malestar di un of otro pashent.

E profesion aki hopi bes ta wordo mira como uno facil of kisas te hasta simpel, te na e momento cu sea bo studia pa esaki of cu bo haya bo den e posicion como pashent.

 

E momento nan ey bo ta siña admira y aprecia cada un enfermero cu ta dedica nan mes na e cuido di un otro ser humano cu mayoria di bes, nan no conoce mes.

Minister Arthur Dowers a expresa di ainda ta corda con dushi e hunto cu su coleganan, tawata pasa yudando pashentnan den e proceso di recuperacion riba afdeling.

“Bo ta keda gewoon asombra, con bon e ta sinti pa yuda un otro persona cu na momento e subi afdeling bo no ni conoce. Anto e amistad cu bo ta cera cu ne hunto cu su famia durante e proceso di recuperacion. Tanto, cu nan ta keda corda bo pa semper”, Minister Dowers a expresa y a finalisa felicitando tur su ex-coleganan enfermero.

Leave a Reply

Top