Minister Juan David Yrausquin a reuni pa prome biaha cu Conseho di Minister di Reino nobo

DEN HAAG – Minister Plenipotenciario Juan David Yrausquin a reuni ayera diabierna 27 di october pa prome biaha den e Conseho di Minister di Reino den e constelacion nobo, despues di Gabinete di Prome Minister Mark Rutte III a keda instala diahuebs ultimo pa Rey Willem Alexander.

Prome cu e reunion e mandatario pa combersa cu Prome Minister Mark Rutte den e Torentje. Tambe sr. Juan David Yrausquin n’e ocasion aki a sera conoci oficialmente cu Raymond Knops, cu den e Gabinete Rutte III tin e cartera di Relacionnan den Reino.

 

Minister Juan David Yrausquin a informa sres. Rutte y Knops cu e formacion di un Gobierno nobo na Aruba ta andando ainda.

Sr. Juan David Yrausquin a expresa cu deseo cu na momento cu Aruba tin un Minister Plenipotenciario nobo, pa duna e persona aki tur cooperacion necesario na bienestar di e bon relacion entre Aruba y Hulanda y den Reino Hulandes.

 

(Foto di cortesia di fotografo Nico van der Ven)

Leave a Reply

Top