Minister Juan David Yrausquin cu interes grandi, A atende debate den Tweede Kamer riba Gobierno nobo di Hulanda

DEN HAAG – Den Tweede Kamer na Hulanda a tuma lugar ayera un debate riba e raport final di Informador Gerrit Zalm. Esaki despues cu diamars ultimo e 4 partidonan cu lo forma e coalicion nobo, cu ta VVD di Mark Rutte, CDA di Sybrand Buma, D66 di Alexander Pechtold y ChristenUnie di Gert Jan Segers, a presenta nan programa di gobernacion basa riba e tarea di Informador Zalm.

 

Demisionario Minister Plenipotenciario Juan David Yrausquin a presencia e debate aki pa mira di serca con Parlamento di Hulanda ta anda cu e proceso pa formacion di un Gobierno nobo.

Ta Tweede Kamer ta apunta un Informador of “Verkenner” pa cuminsa sondea e posibilidad cerca e partidonan pa yega na un coalicion. Antes esaki tabata wordo haci pa La Reina.

‘Ta hopi interesante pa mira y sigi e proceso aki y sigur por siña dje,’ asina e mandatario a bisa.

Lider di VVD y actual Prome Minister Mark Rutte a keda apunta como Formador y awor lo bay cuminsa na busca candidatonan p’e diferente carterenan den su Gobierno

 

Minister Juan David Yrausquin a bisa tambe di ta contento pa mira cu Reino Hulandes a haya hopi atencion den e programa di gobernacion di e futuro Gabinete Rutte III, compara con esaki tabata ta den e programanan di gobernacion den pasado.

Na final di e debate Minister Juan David Yrausquin a felicita e 4 lidernan di partidonan cu ta forma e Gobierno nobo di Hulanda.

(Potretnan ta cortesia di Cas di Aruba)

 

Leave a Reply

Top