Minister mr. drs. Arthur Dowers contento con departamentonan ta sostene otro – Ministerio Publico a haci un bunita gesto na KIA

Ministerio Publico Aruba, den cooperacion cu Terry Gumbs, coordinador di Educacion y Formacion pa detenidonan na KIA, a entrega un gesto di gran nificacion pa Korektie Instituut Aruba (KIA). No ta un secreto cu Ministerio Publico y KIA ta coopera cu otro, awor tambe den forma simbolico.

KIA  a keda masha contento cu Procurador General, mr. Alexander van Dam, cu a percura pa entrega 34 computer den bon condicion den forma di donacion, cu a facilita diferente departamento den KIA.

 

E Werkplaats a ricibi algun computer pa nan trabounan administrativo. Den e Biblioteca a instala algun computer pa uzo di detenidonan.

Pronto lo introduci un sala di computer pa sigui cu otro cursonan pa detenidonan. Banda di computer, KIA a ricibi stoel y mesanan tambe cu sigur lo haci bon uzo di dje.

 

Di parti directiva di KIA ta extende un palabra di gradicimento na Ministerio Publico p’e bunita gesto. Esaki ta facilita e servicionan brinda na desaroyo di detenido, den preparacion pa integra bek den comunidad.

 

Top