Minister mr. drs. Arthur Dowers contento cu e continuidad di Weganan di Reino

WILLEMSTAD – 128 Hoben di paisnan den Reino Hulandes, lo topa otro e siman aki na Corsou pa un encuentro deportivo den tres diferente ramo, pa loke ta trata e di dos Weganan di Reino.

Aña pasa, esta 2016 e prome Weganan di Reino a tuma lugar na Aruba cu participacion di mas o menos 130 hoben, cu a competi contra otro den e ramo di futbol, baseball y tambe basketball. E aña aki e turno ta na pais Corsou pa t’e pais anfitrion di esaki.

 

Mas o menos dos aña pasa, esta na 2015 Minister di Husticia Arthur Dowers a cuminsa cu un proyecto cu a hiba e nomber “Futuro ta den bo man”. Un proyecto cu ta hiba e linea di pensamento cu e hobennan ta practica deporte sanamente y asina ta aleha esaki nan for di cosnan negativo.

Como tal, e proyecto aki a wordo carga tambe pa Ministerio di Husticia y Seguridad Hulandes y tambe pa Ministerio di Husticia di Corsou y tambe esun di Sint Maarten.

 

Pesey mes cu aña pasa, esta na 2016, Aruba tabata e prome sede p’e asina yama Weganan di Reino tuma lugar. Minister di Husticia Arthur Dowers ta masha contento cu e continuidad di e bunita proyecto aki y ta spera cu esaki lo bay t’e caso tambe den futuro.

 

Leave a Reply

Top