Minister Presidènt Hensley Koeiman a participá na conferencia OCT-EU na Aruba

WILLEMSTAD – Di 21 pa 25 di febrüari 2017 ta tumando lugar e di 15 conferencia di OCT- EU na Aruba.

OCT – EU t’e asociacion di cua pais y teritorionan den otro parti di mundo y paisnan di Union Europeo ta forma parti.

Tópiconan cu lo trata durante di e conferencia ta: Energia renobabel, con lo bay atendé cu riesgonan di cambio di clima global y relacionnan entre e paisnan despues di salida di Inglatera for di Union Europeo.

 

Durante e conferencia lo tin tambe reunionnan entre e Promé Ministernan di e paisnan miembro hunto cu representantenan oficial di nan respectivo Gobièrno.

N’e conferencia ta participando e.o. Premier di Aruba, sr. Mike Eman, Premier di St. Maarten, sr. Marlin, Premier Minister di Còrsou sr. Hensley Koeiman y Minister Ronald Plasterk di Hulanda.

Minister Presidènte Koeiman den oranan di mèrdia a tene un discurso.

 

Riba e foto nos por mira Minister Koeiman hunto cu Minister Presidènte Mike Eman y William Marlin, Prome Minister di St. Maarten.

Minister Presidènt Koeiman a bolbe Còrsou diamars anochi mes pa cumpli cu demas obligacionnan aki na Còrsou.

 

Delegacion di Còrsou banda di Promé Minister y Minister Plenipotenciario na Hulanda, sra. Eunice Eisden a consistí tambe di: Sra. Ann Philipps, Directora di Gabinete di Minister Plenipotenciario na Hulanda, sra. Judric Pietersz – consehero di Minister pa Asunto General, sra. Vanessa Dijsseldonk, experto na Departamento di Relacion Exterior, sr. Irving Moeniralam consehero pa asunto político, y sr. Kenneth de Haseth, Hefe di Protocòl.

Top