Minister Richard Arends a conclui un siman di trabou fructifero na Hulanda

DEN HAAG – Siman pasa Minister di Economia y Comunicacion, sr. Richard Arends, a haci su prome bishita oficial na Hulanda unda cu el a sigui estrecha e lazonan cu partnernan strategico di Aruba riba tereno comercial y economico. Despues di rehabilitacion di e refineria, como tambe fortificacion di nos turismo durante e ultimo añanan, Gabinete Mike Eman II ta sigui traha riba e pilar economico nobo basa riba tecnologia y conocemento.

 

“Nos ta yama inversionistanan bon bini. Aruba t’e portal ideal pa haci negoshi y yega na un mercado mucho mas grandi,” e titular di Asunto Economico a declara.

“Cu e cinco areanan di oportunidad cu nos a identifica rond di nos isla lo wordo desaroya cu conocemento y experticio riba logistica, turismo, tecnologia y industrianan creativo brindando asina perspectivanan economico p’e añanan nos dilanti,” Minister Arends a splica.

 

Durante su bishita na Hulanda, Minister Richard Arends a wordo compaña pa Minister Plenipotenciario na Den Haag y staff di Departamento di Adkisicion Economico di su Gabinete.

Na Hulanda e mandatario a hiba combersacion cu e.o. Departamento di Asunto Exterior, Qredits, VNO-NCW, e asociacion di dunador di trabou Hulandes, como tambe varios partner asocia na Ondernemend Nederland.

 

“Sigur e ultimo aki a sirbi di inspiracion pa loke ta trata fortificacion di e espirito empresarial na Aruba.”

Durante e simannan benidero Minister Richard Arends lo hiba combersacionnan cu partnernan y demas stakeholdernan local p’asina duna continuacion di e

Top