Ministerio Publico a desmenti cu tin un of otro detencion den caso di IBIS

Ayera merdia por a tuma nota riba cierto medio social, y hasta cu nomber “fake” a circula e informacion cu chofer di Minister Benny Sevinger a keda deteni ayera den e caso IBIS.

Nos redaccion a haya masha yamada, puntrando ki di berdad tin di esaki, pero ora cu nos a tuma contacto cu vocero di Ministerio Publico, sra. Ann Angela, kende tambe a cuminsa fada di tipo di rumornan a laga sa: “E molinda di rumor ta trahando full speed, mi ta ripara. Si tin detencion den Ibis, lo mi informa boso di esey. No tin nada”.

Pakico tin hende cu tin deseo pa sera mas hende den caso di Ibis? Esey t’e plamadornan di rumornan aki, so por sa. Pero e ta cuminsa cansa hende y por spera mas di esakinan prome cu eleccion benidero.

 

 

Leave a Reply

Top