Ministerio Público a disidí pa persigui Emsley Tromp, Presidente di Banco Central

WILLEMSTAD – Ministerio Público (OM) di Còrsou a dicidí pa persiguí Presidente di Banco Central di Còrsou y Sint Maarten (CBCS) pa fraude di belasting.

E investigacion contra señor Emsley Tromp, yamá Saffier, a iniciá na 2016 relacioná cu informenan persistente den prensa tocante posibel malversacion financiero cometi dor di e sospechoso.

 

Den e caso aki a tene vários entrada hudicial, entre otro na Banco Central y na cas di e sospechoso.

Tambe a scucha algun testigo, miéntras cu a ricibí tambe documentacion for di exterior. Naturalmente tambe a scucha e sospechoso mes tambe.

 

E investigacion a conducí na e.o. e sospechoso cu señor Emsley Tromp no a pone belasting na altura di tur placa cu el a ricibí entre 2006 y 2014 den cuadro di su funcion como entrada di su ‘pensioenopbouw’.

Dor di esaki pais Còrsou y Sint Maarten a pèrdè di gana posiblemente 5.5 mion na entrada.

 

E investigacion rond di fraude di belasting mientrastanto a términá y tabata motibo pa Ministerio Público pa tuma un decision.

Ministerio Público ta spera cu dentro di poco dia ta bay emití e sospechoso un dagvaarding p’e hechonan aki.

E dia ey tambe lo bira conocí ki dia e caso den Corte ta keda tratá. Ministerio Público mientrastanto a pone e sospechoso na altura di e decision.

E investigacion pa loke ta trata e otro sospechonan ta continuá. Mas despues ta tuma un decision pa loke ta trata persiguicion di esaki.

 

Top