Ministerio Publico a kita e restriccion pa Paul Croes

Nos di AWEMainta a haya un yamada di un miembro di famia di Paul Croes, cu e participacion cu Fiscal mr. Gerretschen a bay di acuerdo pa elimina e restriccion cu Ministerio Publico tabatin pa cu Paul Croes, pa motibo di investigacion.

 

Ayera tardi, e medida aki a keda elimina y un di e prome contacto cu Paul Croes tabatin tabata cu su yiunan y su señora, kendenan sigur tabata masha contento. E intencion ta pa awe mainta caba, nan lo subi bay KIA pa mira Paul Croes, kende a caba di haci aña.

 

Tres luna Paul Croes tabata sera, sin tabatin mag di tin contacto cu ningun miembr di su famia. Abogadonan, e.o. mr. Marije Vaders na Corsou cu sosten di bufete di David Kock y Demis G.Illis a traha y tabata den contacto estrecho cu Ministerio Publico y a base di e combersacionnan cu nan a hiba, finalmente a yega na un acuerdo y ayera tardi a drenta informacion cu a dicidi cu lo kita beperking di Paul Croes.
Di e forma aki, Paul Croes tin oportunidad di mira su famia, despues di 3 luna sera sin ningun clase di contacto. Otro siman pa ser exacto diamars, Paul Croes tin cu presenta dilanti Ministerio Publico, cu a duna di conoce caba, cu lo pidi pa prolonga su detencion cu 3 luna mas. Huez lo por bay di acuerdo cu dicho demanda, pero na mes momento lo suspende Paul Croes su detencion. Pa di e forma aki, Paul Croes lo por pasa e dianan di fiesta di fin di aña den union di su famia.

 

Papiando tur esaki, no a ser haci mencion di e otro detenido, esta Aparicio, kende tabata chofer di Paul Croes y tambe ta sigui deteni. El a entrega su mes, riba mesun dia cu Husticia a detene Paul Croes.

Leave a Reply

Top