Ministerio Publico a tuma decision – Tur sakeador y ladron tin cu presenta den Corte

Ultimo dianan Militar y Polisnan na St. Maarten lo pone un fin n’e actonan di ladronsia cu a tuma ta tuma lugar na St. Maarten, despues di pasada di Irma. Un cantidad incalcula di persona, a keda deteni caba. Debi na falta di capacidad di encarcela nan, esnan cu no a comete un hecho pisa, lo ser manda cas, pero Ministerio Publico lo repasa tur grabacionnan haci despues pa persigui esnan cu keda reconoci.

 

Mientrastanto, un cantidad di data recibi via di internet, lo actua contra esnan cu a haci nan mes culpable na sakeonan di negoshinan. Tin foto disponibel di e sospechosonan y unabes identifica, lo presenta nan den Corte pa wordo huzga.

N’e momento aki, ainda no tin internet ni Telefon na Sint Maarten. Unabes esakinan a keda re-estableci, lo upload e informacionnan cu nan tin di tur esnan cu a haci nan culpable na sakeo y ladronisia pa pueblo reconoce nan.

 

Sakeadornan, kendenan boluntariamente entrega nanmes, lo no ser huzga pa Ministerio Publico y lo tin cu haci trabao boluntario p’e comunidad. E personanan deteni, lo ser presenta den Corte, pa ser huzga y sigur e Fiscal lo impone castigo incondicional pa nan.

For di ayera, tur esnan cu a keda deteni, lo por bay cas, despues cu yega na un acuerdo cu nan y cu Ministerio Publico.

Lo mas pronto posibel lo tin sesionnan di urgencia (snelrecht) pa hiba tur e sakeador y ladronnan pa husticia.

Top