Modernisa ley di AZV lo ta otro tarea pa Academia di Ley Segun Andin Bikker

 

Andin Bikker a splica den rueda di prensa di Partido POR, cu berdad tin un comision di AZV cu na final di dia ta bisa ken por bay den exterior pa tratamento medico of no. Pero ta e Bestuurs Organ esun cu ta dicidi na final.

 

Fundacion Pro Husticia ta yuda semanalmente hopi hende y experiencia ta cu personanan hopi biaha ta den un situacion hopi dificil, ta pidi un decision diligente, pero e decision aki ta bin verbal y ora e familia yama puntra con a para, nan ta bis’e cu no, cu e pashent ey no ta bay afo. Pero si tin un decreto por escrito e ora ey ta dificulta pa e persona yega na e ordenansa di apelacion administrativo na Corte.

 

“Pa entrega un peticion di un caso sumario, dus un tipo di Kortgeding, bao ordenansa administrativo e ta costabo 25 florin. Si bo mester bay hacie sin bo haya un decision por escrito bo tin haci un caso sumario (civil) cu ta costabo 600 y pico florin y mas gasto, bo mester paga deurwaarder, stampia, etc. Esey ta e diferencia si bo haya un decision por escrito cu e Organo a nenga bo, y e por ta cualkier Organo, no ta necesariamente AZV, ta djis mi a duna un par di ehempel”, sr. Bikker a splica.

 

E por ta cualkier peticion cu bo haci na un instancia gubernamental, cu nan tin 12 siman pa nan contestabo y den e caso di manda pashent afo e comision mester adviser dentro di 48 ora pero no semper esey ta tuma luga.

“Tambe e alternativa cu no tur hende ta realisa di dj’e ta e alternativa, articulo 25 segun mi di AZV caminda cu bo tin e alternativa pa bo bisa – si boso no kier mandami e instituto cu mi tin derecho riba dj’e, anto bo mester dunami compensacion similar como sifuera kico boso lo a paga si boso a mandami na e instituto ey”, sr. Bikker a menciona.

 

“Esaki ta un alternativa cu no ta wordo uza. Por wak riba medionan social cu e Ley di AZV ta hopi anticua y esaki tambe ta un tarea pa Academia di Ley. Nos mester bay reforme pa nos cuminsa basicamente hacie un poco mas moderna. Si nos por corda un rato, e ley di AZV a wordo diseña y publica na aña 92, segun mi.

Na 2001, el a drenta na vigor ora cu Gobierno di signature di AZV a introducie finalmente.

Pero esey ta pone si cu e ley aki tin un par di decada caba y e mesun filosofianan cu a wordo pensa e temponan aya, dus varios aña atras, mi ta kere cu en todo caso mester pensa un rato riba nan pasobra tin diferente aspecto, tecnologia cu a modernisa, y mi ta ripara cu hopi persona ta demanda pa nan tin e derecho di un second opinion cu mi no ta wak awor aki necesariamente formula den e ley di AZV”, Bikker a sigui relata.

 

El a conclui bisando cu na Madre Patria Hulanda nan a ancra loke ta trata e derecho pa un second opinion den leynan di salubridad. Nan tin otro sistema pasobra nan tin mas asegurador riba mercado. Pero en todo caso e derecho riba un segundo opinion ta ancra den nan leyn

Top