Monica Pimentel a gana medaya di brons na Colombia Open

Den fin di siman tabatin Colombia Open G1 ranking y Monica Pimentel a participa pa Aruba. Monica Pimentel a bringa e biaha aki den e categoria di -53 kilo, normalmente e sa bringa te cu -49kilo. Asina mes cu el a bringa den un categoria mas halto el a duna su fruto.

 

Monica Pimentel ta preparando p’e campeonato Mundial na Muju, Korea na luna di juni y a bay midi forsa na Colombia Open.

Monica Pimentel su plan di entrenamento ta bayendo riba e bon caminda. Awor Monica Pimentel tin e siguiente campeonato riba su plan p’asina e sigui midi forsa pa despues sigui cu su plan p’asina ta bon prepara na Korea.

 

Monica Pimentel a participa n’e Weganan Olimpico y awor ta lantando e nivel di training dia pa dia p’asina e ta bon prepara p’e Campeonato Mundial. Cu e medaya di Brons na Colombia Open t’e comienso di tur e medayanan cu Aruba ta bay sigui haña for di nos strea Olimpico.

 

Aruba Taekwondo Bond” ARTBO” ta extende su gratitud cu e logro aki di Monica Pimentel na Colombia.

Leave a Reply

Top