Monica Pimentel nos estrea Olimpico tabata grandi den campeonato nacional di Himno y Bandera

Diasabra ultimo Aruba Taekwondo Bond ”ARTBO” a organisa e campeonato nacional di Himno y Bandera y 6 scol di Taekwondo a participa.

Monica Pimentel ta preparando p’e Colombian Open cu ta un evento di rango G1 y a presenta na e campeonato.

For di momento cu Monica Pimentel a drenta den e sala di combate el a haña un standing ovacion.

Publico presente tabata emociona cu presencia di Monica Pimentel. E atletanan di tur e scolnan di Taekwondo a acerca Monica Pimentel sea pa saca potret, brase of tambe pa Monica Pimentel scirbi su nomber riba nan faha di Taekwondo, Dobok di Taekwondo y hasta nan t-shirt.

Algo cu nunca sa pasa na Aruba a pasa dia di e campeonato nacional di Himno y Bandera, Monica Pimentel a haci un impacto grandi n’e evento.

ARTBO ta extende su gratitud na Monica Pimentel pa su presencia y aporte grandi cu e tin pa Taekwondo y specialmente su Grand Master Chaco Jose Cornelio.

Leave a Reply

Top