Monumentenbureau a haya un lectura di Cultural Awareness

Recientemente, Monumentenbureau tabata presente na Fort Zoutman pa un lectura presenta pa sra. Valerie Willer-Heronimo. E tema di e lectura tabata “Cultural Awareness”.

 

Aki sra. Valerie a elabora riba diferente punto di nos cultura. A elabora rib’e historia di Fort Zoutman y con importante ta pa documenta y conserva e informacion nan aki pa nos futuro generacion. Valerie a sigui splica cu nan ta duna diferente charla na scolnan of diferente grupo pa nos herencia no bay perdi.

 

Monumentenbureau a keda sumamente satisfecho cu e informacion valioso ricibi for di sra. Valerie Willer-Heronimo y sigur ta motiva nos pa valora nos herencia cultural y naturalmente na nos monumentonan cu no por bay perdi.

 

Monumentenbureau kier a haci uzo di e oportunidad aki pa gradici sra. Joase-Ann van der Biest, directora di Museo Historico Arubano na Fort Zoutman y Willem III Toren pa organisa e actividad aki.

Top