Mr. Mauritsz de Kort postulá pa Vice Presidente di Corte di Husticia di Còrsou y Bonaire

WILLEMSTAD – Diabièrnè ultimo mr. Mauritsz de Kort a keda postulá dor di Conseho di Minister di Reino pa bira Vice Presidente di Corte Comun di Hustisia di Còrsou y Bonaire.

Mr. de Kort ta remplasá asina mr. Eunice Saleh den su ausencia y kende a bira Presidente di Corte na janüari último. E postulashon ta drenta na vigor 1 di april 2017.

Mauritsz de Kort a nace na 1973 na Aruba. El a bay VWO na Colegio Arubano y despues a sigui pa HEAO na Arnhem. Despues di a terminá HEAO el a cuminsá studia ley na Universidad di Leiden.

De Kort a terminá esaki na 1999 y mesora a sigui pa master ‘postdoctoraal’ na Universidad di London.
Despues di su estudio Mauritsz de Kort a traha algun aña como abogado na Còrsou, Aruba y Sint Maarten.
Na 2007 el a cuminsá cu e estudio pa bira Huez, esta Rechterlijke Ambtenaar in Opleiding (Raio). El a terminá esaki na 2011.

Di 2011 pa 2015 de Kort a traha como Huez na Còrsou. Despues el transladá pa Corte na Sint Maarten, caminda el a sigui cu su trabounan.
Promé cu su traspaso pa Sint Maarten Huez Mauritsz de Kort tabata encargá cu prensa na Còrsou (Persrechter) y na Sint Maarten el a ehercé e funcion aki tambe te cu 1 di maart 2017.
Cu su nombramento aki Huez Mauritsz de Kort ta regresá Còrsou pa ehercé e funcion di Vice Presidente.

Leave a Reply

Top