Mucho detaye no tin ainda di Homber Chinees asesina na Jaburibari

5 Venezolano cu accidente banda di Hato lo ta envolvi?

Por bisa cu n’e islanan ABC ultimo dianan aki, tabatin caso di asesinato registra. Cuminsando cu Bonaire, unda un Boneriano R.S. a asesina un miembro di tripulante di Navigator of the Seas y pa despues dere, keriendo cu ningun hende lo haya sa.

Na Corsou tabatin atrobe un dobel asesinato na Buena Vista. Causa te ainda no ta conoci, pero e bario aki ta conoci pa hendenan di baho mundo.

 

Aruba no kier keda atras y asina dialuna pa 5’or y 20 di madruga, Polis a haya informacion cu tin un caso di asesinato na Jaburibari. E informacionnan tabata masha confuso den prome instante, unda a papia cu señora di e homber Chinees lo a tira mata, pero esey no por a ser confirma.

Despues ta papia di cu tabatin dos fiesta andando na dos cas. Un di e casnan aki a wordo gehuur pa haci e fiesta.

Aparentemente n’e cas akin a Jaburibari, algo a bay robez te cu el a sali for di many tiro a cay.

 

A resulta cu un homber, di nacionalidad Chines biba Canada, lo a huur e cas p’e fiesta, a resulta di a ricibi impacto di bala den su cabes y a fayece n’e sitio mes. Ta ser menciona cu e victima aki ta victima di un caso di atraco, pero esaki tampoco por a ser confirma.

Tin hopi hipotisis y masha hende ta papia un cantidad di posibilidad, pero tur esaki lo keda investiga.

Top