Museo Historico Arubano celebrando temporada di cultura en grande

Museo Historico Arubano situa den e monumentonan icono di Aruba, Fort Zoutman y Willem III Toren a crea pa e luna di maart un programa educativo pa e diferente scol basico educando rib’e balor di nos ofishi di antes, tratando aki di e Ofishi di Vlechtdo.

 

Conhuntamente cu CEDE Aruba, kende tin educacion di e muchanan di Aruba na pecho, cu ta sostene e tremendo programa aki pa 12 scol cera conoci cu e historia di Aruba y participa cu tayernan di e tecnica di vlechten duna pa artista Jess Wolff. Meta di e proyecto aki ta pa educa e generacion nobo rib’e importancia di un di e ofishinan mas bieu cu a yuda funda e pais aki.

 

Mirando e hecho cu Museo Historico Arubano ta salvaguardia 450 aña di herencia y tambe ta carga e gran tarea pa representa e balor di e monumentonan Fort Zoutman y Willem III Totren, ta mas cu claro haci e luna di maart cu ta dedica na Cultura, e luna di mas importante pa expone comunidad di Aruba na nan herencia cultural.

 

Mirando e era nobo cu e mundo di museonan na Aruba ta drentando, ta pone mas enfoce pa como museo crea programanan dinamico pa grandi y chikito. Esaki ta sigur algo cu Museo Historico a bin ta haci ya caba desde inicio hunto cu su organisacion mama Fundacion Museo Arubano desde cu a instala e team hoben creativo cu ta encarga cu e diferente museonan.

 

Como organisacion FMA y Museo Historico ta mira e importancia pa hiba educacion mas cerca di mucha y hobennan na Aruba p’asina aki sigura traspaso di cultura y herencia na e miho forma posibel.

Leave a Reply

Top