Musiconan ilegal ta invadi Corsou y kita pan di nos musiconan local

WILLEMSTAD – Directiva a ricibi keho di nos musiconan, especialmente di esnan cu ta opera den clubnan nocturno aki na Corsou, cu tin un cantidad di musiconan Venezolano, cu ta drenta Corsou ilegalmente y ofrece prijsnan super barata pa toca, perhudicando nos musiconan di Corsou.

 

Direktiva di AMAK ta bay instrui Inspectornan pa bay controla, pa e ora ey nos por pone departamento di Imigracion na altura, y consecuentemente actua contra e practica ilegal aki. Directiva ta pidi nos musiconan cu constata e practicanan aki, pa tuma contacto cu miembronan di directiva, y den e caso aki cu sr. Gregory Gonzalez, pa di e forma ey nos tuma e pasonan necesario.

 

Nos ta kere tambe cu e empresanan cu ta contrata e musiconan ilegal aki tambe ta culpabel. Laga esaki ta un advertencia serio pa e gerencianan di e clubnan nocturno aki tambe.

Top