Na Aruba ta start estudio ‘Infant Mental Health specialist’ Dia 22 di maart ta tene un charla general pa publico

Dia 21 te cu dia 24 di maart ta start e opleiding ‘Infant Mental Health specialist’ na Aruba. E opleiding ta bay dura 2 aña y mey y ta wordo duna dor di docentenan di RINO Noord-Holland. RINO ta un instituto bon conoci y renombra den mundo di esnan cu ta sigui cursonan postmaster y post HBO.

E opleiding IMH ta acredita pa diferente asociacion, manera e.o. esun di enfermeronan, di pedagogonan (VNO), di e psycologonan (NIP) etc.

 

Despues di caba cu e opleiding e cursistanan ta bira Infant Mental Health Specialist y por bira miembro di DAIMH (Dutch Association Infant Mental Health).

E opleiding su enfoke ta riba e chikitonan di 0-3 (pa 5 aña) y nan desaroyo y specialmente e relacion entre mayor y yiu.

Ultimo añanan tin hopi estudio riba e cerebro di e baby y con esaki ta wordo afecta prome y despues di su nacemento.

 

Asina a haya sa cu e relacion di hopi tempran entre mayor y yiu ta yuda den regula e mucha su emocionnan.

Eigenlijk t’asina cu e base di ta un bon ciudadano ta wordo poni caba den e prome 1001 dianan di e baby.

Den e temporada aki nos por yuda optimalisa e chensnan di e baby p’e por crece y desaroya tur su abilidadnan .

Na Inglatera por ehempel ya nan tin for di 2015 caba un “All Parliamentary Group for conception to age 2″.  Nan raport yama “Building Great Britons”.

Na Hulanda ta purba yega na un grupo asina tambe.

 

E asociacionannan cu tin de haber cu e edad di 0-3 ta purba mobilisa e politoconan pa cu esaki.

Awor aki tin 17 hende, cu master of HBO+ opleiding, na Aruba cu ta bay sigui e curso.

Entre nan tin jeugdverpleegkundigen di Wit-GeleKruis, tin orthopedagogonan, psycologonan, dokter di mucha, dokter di JGZ , dietista cu ta traha cu mucha. Tin participantenan di Bonaire, Corsou y tambe Saba.

 

Riba peticion di algun hende, a pidi RINO pa duna un charla p’e publico en general tocante e topico central di e opleiding.

E charla aki ta tuma lugar diarazon dia 22 di maart di 19.00 te cu 21.00.

E titulo ta:  De eerste 1001 dagen; cruciaal in de ontwikkeling van de ouder-kind relatie (e prome 1001 dianan; crucial p’e desaroyo di e relacion entre mayor-yiu)

E lugar ta Cas di Mito Croes; MFA Paradera. Entrada ta gratis.

E idioma ta Hulandes.

Pa mas informacion por yama Lupina Croes na WGK Dakota (5234415).

Leave a Reply

Top