Na Hilton Aruba Caribbean Resort & Casino – Albert de la Cruz a caba di wordo apunta como Maestro di Aloe

Hilton Aruba Caribbean Resort & Casino ta celebrando e isla su mata local iconico cu e lansamento di un programa nobo inspira pa aloe, encabesa p’e recien apunta Maestro di Aloe, Albert de la Cruz, un miembro di ekipo na eforea spa.

 

E recien introduci menu di spa titula Naturally Aloe ta diseña pa amplifica e experiencia di bishitantenan na eforea spa y awor ta inclui e Aloe Body Scrub, un tratamento excepcional di exfoliacion di curpa cu ta laga bo cutiz nutri y suave; e Aloe Sun Relief Wrap, cual ta inclui un capa calmante di crema rico yen di vitamina y Aloe Vera Arubiano, pa un experiencia refrescante y hidratante despues cu bo ta den solo; y e Masashi di Aloe Vera, Rum & Stone, un tratamento signatura, cual ta combina piedra preto cayente di playa, azeta di masashi cu lamunchi, y rum local cu aloe vera likido puro.

 

Como e experto di aloe n’e resort, Albert ta guia un les complimentario banda di e piscina, siñando participantenan con pa traha nan mesun scrub di aloe, y dunando huespednan e chens di crea nan mesun scrub di curpa cu aloe, uzando ingredientenan di e resort su hardin comunitario.

Como parti di su tareanan diario, Maestro di Aloe Albert tambe ta provee conseho, informacion interesante y ideanan tocante con pa mihor integra aloe den e experiencia di e huespednan n’e resort, for di beyesa te cu e habilidad di calma e sunchi poderoso y tin biaha doloroso di e solo.

Un menu extensivo di compra di Aloe tambe ta obtenible, hinca den otro pa Aruba Aloe, n’e resort su tienda di compras.

Top