Na Hilton Aruba Caribbean Resort & Casino The Sunset Grille a yama un bon bini caluroso na Chef Lij Heron

Chef Lij Heron, recientementa a asumi liderasgo di e ekipo culinario na Sunset Grille, situa na Hilton Aruba Caribbean Resort & Casino.

E chef decora a bin Aruba for di e Waldorf Astoria Hotel na Ras Al Khaimah, situa na United Areb Emirates, unda e tabata responsable p’e cuminda delicioso sirbi n’e legendario Peacock Alley, Camelia Lounge y Lexington Grill.

 

Originalmente di Jamaica y un ingeniero electrico segun profesion, Chef Lij a dicidi tempran den su bida pa haci loke e ta gusta y el a registra pa un apprenticeship na Hilton na Kingston Jamaica. Despues di a descubri su pasion den culinaria, el a dicidi pa haci esaki su carera profesional y el a biaha pa New York pa ricibi su diploma culinario n’e famoso CIA, esta e Culinary Institute of America.

 

Como un chef profesional, Lij a biaha rond mundo, desaroyando su talentonan, combinando exploracionnan culinario y cuminda, na Merca, Medio Oriente y Oriente, dominando cuminda Mericano, Europeo, Asiatico, Mediteraneo y Caribense.

El a bira sumamente talentoso den cushina menunan di Steakhouse y Cuminda di Lama di alta clase, cu bishitantenan internacional, real, prins y sheiknan entre esnan comiendo su cuminda.

Despues di a traha pa e cadena di Hilton anteriormente, e no tabata sorprendi ora cu e yamada a drenta solicitando su experticio na Aruba.

 

E chef ta raporta cu el a wordo yama bon bini na Aruba pa un brigada culinario profesional y amable, y cu su intencion ta pa mantene e integridad di e menu di Sunset Grille, un steakhouse moderno, cu un toke di Italia, pa hib’e pa e siguiente nivel, y introduci hopi mehoracion n’e menu cu ta wordo sirbi henter dia na Gilligan’s Beach Bar & Grill.

E Sunset Grille ta sirbi 100% Certified Angus Beef, cushina riba un grill di carbon cu Filet Mignon, New York Strip, Rib Eye, Double Cut Lamb Chops y e legendario 32oz Porterhouse pa dos hende.

Bishitantenan por combina y mescla e specerijnan y sausnan, y crea nan mesun Surf and Turf cu cualkier carni of cuminda di lama for di menu.

 

E ekipo culinario ta den e proceso di desaroya un concepto di brunch a-la-carte cu lo ofrece bishitantenan un experiencia culinario nobo y excitante, combina cu bistanan increible for di e teras nobo di Sunset Grille Restaurant.

Leave a Reply

Top