Na Hulanda…..Corte tin cu trata caso di estafador profesional Curasoleño di nobo

WILLEMSTAD – Siman pasa un tribunal na Leiden a duna òrdo pa trata di nobo e caso di un estafador profesional Curasoleño kende tabata envolvi den hopi baina, pero cu den Corte di Promé Instancia, Huez a haci un fout den e sentencia.

E estafador a contratá abogado S.V. Hendriksen na Leiden, kende den e caso tabatin Abogado General F.W. Bleichrodt.

 

E Abogado General a duna e abogado razon cu tabatin fout den e veredicto pero solamente riba e punto di altura di e castigo.

E Huez Policial ken a dicta castigo no a argumentá dicon el a condená e Curasoleño na 4 luna di prizon.

Loke e Curasoleño a haci tabata genial, pero el a cay den trampa ora el a ripiti e hazaña aunke e no tabata cabesante di e organisacion di estafador.

El a presentá su mes como Director di un compania cu tabata encargá masha mercancía serca varios empresa, pero no a paga p’e mercancía. E mercancía mes e cu su cómplicenan a cobra y gasta e placa.

 

Esey a pone cu varios di e empresanan cu a bende cu e compania ficticio a haña nan den problema y un di nan a bati bancarota.

Naturalmente e tipo no tabatin administracion di cuanto nan a cumpra y bende cu otronan y a pone cu e empresa di cual e tabata “Director” a bati bancarota.

Pero e empresanan cu a entregá mercancía tambe a haña palo duro. Dor cu e no a tene administracion, e curator no por a paga esnan cu a keda perhudicá y a crea mas problema asina pa otronan.

 

E Curasoleño tin su carchi di castigo di un recidivista den casonan di estafa.

Den su decision e tribunal di tres Huez na Leiden a anulá e castigo di 3 luna siendo cu Fiscal a pidi 4 luna di prizon y a ordená pa trata e caso di nobo na Den Haag. Esey tabata e siman pasa.

Top