Na Kingston, Jamaica: Minister Paul Croes presente na conferencia ILO

 

E aña aki International Labor Organisation a organisa su di 10 conferencia na, Kingston, Jamaica unda 11 Minister di Trabao tabata presente.

Durante e conferencia aki e topico central tabata crea mas protection di trahadornan y promocion di mas empleo.

Aruba a wordo representa pa Minister di Asunto Social, Hubentud y Labor, drs. Paul Croes.

 

Tambe presente p’e ocasion special aki tabata Director General di ILO sr. Guy Ryder.

Minister Paul Croes tabatin e honor di por a combersa cu sr. Ryder durante e conferencia riba desaroyonan den nos region.

Alabes a intercambia di idea con pa sigui mehora e posicion laboral y tambe e garantia di mas empleo.

 

Minister drs. Paul Croes a  mustra riba diferente proyecto tambe cu na Aruba nos ta haciendo p’asina apoya hobennan tambe pa yega na un empleo.

Banda di e encuentro aki Minister Paul Croes a hiba dialogo cu varios Minister di Trabao di varios pais den region.

E conferencia aki, Future of Work a mustra riba e diferente retonan cu paisnan tin den nos mundo globalisa.

 

 

Top