Na La Cabana Beach Resort & Casino – Koningin Wilhelmina Fonds t’e recipiente di un donacion generoso

 

Maritza Odor, un miembro di e resort su Comision di Medio Ambiente, Salud y Seguridad, recientemente a sorprende Lupina Croes di Koningin Wilhelmina Fonds cu un cheque di Awg 2,500.00, e resultado di un evento special di fundraising cu a wordo organisa p’e comision.

E contribucion a bin na un bon momento, segun Lupina  Croes, kende ta un boluntario incansable di e Fondo di Cancer, ya cu e grupo di habitante Arubiano cu mester di ayudo di e fondo ta creciendo, paralelo n’e gastonan envolvi.

 

Entre e gastonan cu a aumenta substancialmente, transportacion di paciente pa facilidadnan di tratamento, pasashi di aerolinea pa Colombia y pa Hulanda pa proceduranan specialisa y gastonan di esnan cu ta acompañando nan sernan stima durante tratamento den exterior. E aumentonan aki ta poniendo un stress financiero riba e fundacion.

Segun Lupina Croes, esaki no tabata un un bon aña p’e Fundacion di Cancer, fondonan ta schaars, y e organisacion independiente, cu no ta ricibi subsidio, ta conta riba coleccionnan anual riba caya y otro iniciativanan comunitario, pero ta luchando pa mantene e nivel di servicionan di sosten cu ta rekeri.

 

E fundacion, sinembargo, ta sumamente agradecido na comunidad Arubiano generoso, pero lamentablemente, e fondonan recauda ya no ta cubri e gastonan anual mas.

E resort su Comision di Medio Ambiente, Salud y Seguridad asina tambe ta haci un apelacion humilde na tur otro resort y negoshi riba nos isla pa sigui sostene e Koningin Wilhelmina Kanker Fonds, ya cu e ta un bon causa, yudando muchanan, hende muher y hende homber den nos comunidad cu ta batayando contra cancer.

Leave a Reply

Top