Na La Cabana Beach Resort & Casino Stephanie Maduro eligi como Reina di Carnaval

Hopi asociado di resort y un multitud di huesped a para testigo di un eleccion di Reina alegre y anima cu a wordo organisa p’e comision social dedica y talentoso di e resort y a tuma lugar na Pata Pata pool bar.

Tres hurado, tur di nan huespednan di e resort, a wordo entreteni p’e representantenan completamente disfrasa di e diferente departamentonan di e resort, competiendo p’e sjerp y corona di Carnaval tan codicia, cu Stephanie Maduro representando Departamento di Housekeeping, y Lixandra, for di e departamento di Front Office, competiendo p’e titulo.

 

E candidatanan di Reina a wordo escolta pa un brass band di e resort su sala di conferencia t’e pool deck, bailando den e gangnan y despues den e lobby, rondona pa nan fanatico y apoyantenan.

Nan a introduci nan mes y nan respectivo departamento y a wordo ricibi cu gritonan di nan coleganan dedica, prome cu nan a baila rond di e pool deck demostrando nan spirito di Carnaval.

 

Na final di un ora dibertido di eleccion, miembro di Comision Ehecutivo Daniel Aguirre a haci e acto di e coronacion oficial, representando e Comision Social.

La Cabana Beach Resort & Casino ta organisa eventonan dibertido regular pa su asociadonan, cortesia di un comision social extraordinario, un grupo di boluntario, kendenan a pone nan cabes hunto pa entretene nan coleganan, crea un spirito fuerte di ekipo y un sentido continuo di comunidad.

Cu mc Annuar Kock di Departamento di Engineering, e atardi a culmina cu NBO, proveendo e tremendo musica Carnavalesco p’e Happy Hour.

Top