Na Mangel Halto – Conocido di Polis a menasa turista Hulandes cu morto

Un situacion serio a presenta na e beach di Mangel unda cu un bishitante disfrutando do e beach bunita na Mangel Halto pa medita y ta wordo molestia y menasa pa homber conoci di Polis.

Rond di 10’or  di mainta  Central ta manda patruya na Mangel Halto, caminda un  homber lo a menasa algun turista riba beach. Polis tabata coriendo den vecindario, pero no a wordo acerca pa ningun hende.

E Polisnan a dicidi di baha for di auto y a cana na pia canto di lama, ora cu algun persona riba beach a haci un señal cu nan man pa nan yega cerca. Algun homber tabata bezig ta haciendo algun trabao di limpiesa, a mustra Polis un dama cu tin algo di conta nan.

E dama a indica cu e ta G., naci na Hulanda y ta kedando temporalmente na Aruba. El a conta e Polisnan cu e tabata riba beach na Mangel Halto, haciendo ehercicio di yoga ora cu diripiente un hoben desconoci, color bruin, bisti cu un carson cortico preto, sin flanel, cu keds preto y cu un pechi (Gucci skirbi riba dje) a cana bin den su direccion. E homber a cana algun biaha den circulo rond di dje, den forma menasante. E hoben tabata rap. G. no a dun’e ningun atencion y a sigui cu su sesion di yoga.  Despues e homber a bisa G. na Ingles palabranan hopi menasante y insolente den su direccion. Palabranan manera: “I dont give a sh*t about you. I’m going to kill you, fu***ng b*tch. I have four (4) houses here in Aruba. I’m going to kill you, your boyfriend and your family.”

E turista a tuma curashi y a saca potret di e homber y despues a cana bay direccion di e grupo di trahadonan di limpiesa. El a pidi nan yama Polis p’e.

E agentenan a constata cu e señora tabata hopi spanta y despues di duna su declaracion, el a puntra Polis si nan por compañe pa su auto, pasobra e tin miedo y no sa si e sospechoso ainda ta den e vecindario y cu e por haci’e algun daño.

  1. a mustra polis e potret di e sospechoso. Polis a reconoce e homber riba e potret como e conocido di Polis y Husticia HH, kende ta biba den Scobillostraat. Ta conoci cu HH ta anda den vecindario di Mangel Halto y ta mustra su partinan priva na bishitantenan di e beach. A base di esaki, polis a bay na cas di HH den Scobillostraat. HH tabata sinta den un auto color shihishi, marca Montana, modelo Silhoutte, sin number di auto, cu tabata na entrada di e cas. HH a sali for di e auto y a bin cerca e Polisnan. Nan a informe ‘e kico a pasa. Pa mas of menos 10’or y 35 di mainta, polis a deten’e y a hib’e warda, caminda cu el a keda presenta dilanti di fiscal auxiliar y despues encarcela pa mas investigacion. HH ta naci 28 di september 1994.

Leave a Reply

Top