Na opinion di Curtis Fraser (POR): Loke cu a pasa cu Minister Paul Croes por ser evita, aplicando tecnologia

E hot topico di ultimo dianan ta Minister Paul Croes, e caso rond di dje y opinionnan riba kico su next move mester ta.

Pero nos a scucha masha tiki tocante con pa preveni e tipo di situacionnan aki, specialmente ora e actonan menciona den e caso contra Minister Paul Croes y otro acusadonan por tin un efecto grandi riba e bida di hopi ciudadano, segun Curtis Fraser di partido POR

Un ehempel ta cu cuponan di trabou ta wordo yena dor di hendenan di exterior sin check debidamente si tin localnan cu por haci e trabou, asina kitando pan for di nos mesun hendenan.

 

Personalmente lo Curtis Fraser ta bisa di kier scucha mas tocante di e Checks & Balances den nos sistema y aparato gubernamental.

Pa hopi aña politiconan ta menciona e frase Bon Gobernacion (Good Governance), y e tambe ta di acuerdo cu si kier preveni of mihor bisa elimina comportacion corupto den nos aparato gubernamental mester cuminsa sigui e principionan di Bon Gobernacion (Good Governance).

 

PERO CON?

Un manera cu Curtis Fraser ta mira ta dor di usa tecnologia pa elimina fayonan humano (manera vriendjespolitiek y corupcion) y promove integridad, responsabilidad (accountability), y transparencia den sector publico.

 

EHEMPELNAN CON TECNOLOGIA LO POR YUDA…

Tur decision, cambio, etc. riba permisonan lo wordo registra bou di e nomber di e empleado cu ta tumando e accion.

Si pa un motibo of otro e peticion wordo aproba sin cu el a pasa dor di tur e stapnan necesario, of si un peticion wordo nenga sin base oficial, of si tin cualkier otro accion iregular, lo e sistema por detecta e hechonan dudoso ora e ta “run su system check”, un audit riba e sistema lo divulga e iregularidadnan tambe, segun Curtis Fraser.

Di e manera ey lo e empleado wordo responsabilisa riba su posibel actonan ilegal.

 

Tambe sistemanan cu inteligencia artificial por detecta posibel fraude, p.e. entradanan fictioso of abnormal dor di empleadonan.

Nengamento intencional of infunda tambe ta un ehempel di accionan cu e sistema lo por detecta.

Cuidadanonan lo por manda peticion y kehonan via e sistema na un manera automatisa.

Na mes momento lo por sigui e proceso di e peticion pa mira con leu e ta y haña feedback riba kico falta.

Lo por sigui e proceso di e keho tambe y duna informacion extra si ta necesario.

 

Di e manera aki usando tecnologia ya obtenibel, por sigura cu e Checks & Balances ta na su lugar y cu nos como cuidadanonan no tin cu roga pa algo cu ta nos derecho, segun Curtis Fraser di POR.

 

 

Top