Na opinion di MEP: Mientras cu Clarisca Velasquez sigui sostene Minister Arthur Dowers e ta tambe un narco complaciente

Minister di Husticia, mr. drs. Arthur Dowers siman pasa a demostra un cobardia ora di combati criminalidad y ilegalidad. Dowers a declara cu e sa cu su ex colega tabata organisa concierto pa duna muchanan droga, pero Dowers no a haci nada pa stop e crimen aki.

Dowers como Minister di Husticia a demostra cu e ta complice n’e crimen aki di duna muchanan droga den concierto, y no a haci nada pa stop e crimen.

Cu esaki Arthur Dowers a duna su mes un “brevet van onvermogen” y mester bay cas! E mes a tira serbete den rink, y bisa cu e no por mas, segun MEP den un comunicado di prensa.

 

Pero cu Arthur Dowers no ta sirbi como Minister no ta nada nobo. Tur hende sa esey caba. Locual ta keda asombra hende ta con e Parlamentarionan di AVP ta tene Dowers na mando. Pasobra ta den man di e 12 Parlamentarionan pa baha Dowers, pero nan a dicidi pa keda keto y asina bira complicee n’e crimen di duna droga na muchanan den concierto.

 

Ora bo ta complice na duna droga na muchanan, bo ta un narco complaciene.

Clarisca Velasquez ta un Polis y a bay un aña Scol di Polis pa bira Hefe di Polis ora e sali for di Parlamento.

Pero awor cu e mes ta tene Dowers na mando, e no kier baha Dowers como Minister, e ta bira un complice di Dowers, y esey ta haci’e un Narco Compaciente.

Y asina hamas e por bira un Hefe na Polis, asina ta un berguensa e ta pa Polis, segun MEP.

 

Si Clarisca Velasquez no kier ta un Narco Complaciente, e mester exigi reunion cu Dowers y baha Dowers awor mesora.

Pero mientras Velasquez ta complice den tene Dowers den poder, y complice pa sigi duna mucha droga, e ta un Narco Complaciente ta MEP su opinion.

 

Top