Na St. Maarten a haya un BMW cu curpa humano

PHILIPSBURG—Curpa humano a ser haya den e BMW cu a ser haya na Great Bay, un poco pafo di Walter Plantz Square dialuna merdia.

The Daily Herald a informa anteriormente caba cu un skalet humano tin den dicho auto.

E vehiculo aki a keda discubri pa un turista, kende a dicidi di bay snorkel den e area dialuna ultimo.

 

Unabes cu e discubrimento aki, un compania local a yuda den saca e auto for di e awa, bao di guia di Polis y Guardacosta y otro autoridadnan.

Walter Plantz Square su parking lot a ser sera, pa Polis por a haci su investigacion.

Departamento Forensico tambe tabata presente pa haci e inspeccion di e vehiculo, despues cu esaki a ser saca di awa cu un crane y poni riba un barge.

 

E vehiculo a ser hiba pa Bobby’s Marina pa despues transporta pa Warda di Polis na Philipsburg.

E vehiculo ta mustra di ta un di color blau, pero no tabatin number di auto riba dje.

Con e auto aki a bin mei-mei di Great Bay te ainda ta un misterio.

E identidad di e curpa humano, no por a ser determina ainda, pa cual Polis ta haciendo e investigacion necesario.

Top