Nan no ta importa si ta den dia of anochi, Atraco atrobe awe mainta, e biaha aki na Washington

Awe pa mas o menos 10:30 di mainta, Central di Polis ta haya un yama di un atraco na un cas na Washington.
Patruya Policial a jega di biaha y unda ta topa cu e meneer doño di cas y e ta conta cu e tabata pafo di su cas y bayendo paden dos homber color scur bisti cu t-shirt preto y jeans blauw lo mester a bin riba dje cu un arma di candela.
Nuin di dos tabatin cara tapa. Eynan e atracadornan a sera e homber y su señora den un kamber, hunto cu nan yui chikito y a reboltea full e cas. A bay cu celular y laptop.
No ta sigur si nan a huy na pia of den auto. Patruyanan di K9, RRT y otro patruya policial di Noord a cuminsa cu busqueda di biaha den becindario.
Atraco Team a presenta n’e sitio y tambe Slachtoffer Hulp. Ken cu por wak algo yama tiplijn di Polis 11141 pa yuda soluciona e caso aki tambe.

Top