N’e Weganan Suramericano Hubenil Santiago 2017 na Chile – E ekipo di tennis di Aruba ta bataya fuerte contra Bolivia y Venezuela pero a perde

Despues cu diasabra e weganan di tennis a wordo posponi debi na awasero, e rumannan Frederick y Patrick Sydow a enfrenta Bolvia y Venezula den dobel e diadomingo. Mester bisa cu Aruba a duna tur cu tin unda e rumannan Sydow a enfrenta e mihor prospectonan di Sur America den e deporte blanco den Weganan Suramericano Hubenil Santiago 2017

 

E hoben Frederick Sydow ta perde su wega contra Bolivia 2 – 1, despues di a gana e prome set 6/3. Den e di dos set Frederick ta inicia bon y ta bay ariba 2 – 0, pero despues cosnan ta cambia completo unda e hoben Sydow ta cay atras y ta perde e focus di su wega.

Aki e hungador di Bolivia ta coy confiansa y hala e wega na su fabor unda e ta bin gana for di Frederick e dos siguiente weganan cu e score di 6/2 y 6/1.

Mester bisa cu e bataya di su ruman Patrick Sydow tabata hopi preta mes unda cu Patrick Sydow y e Boliviano ta bay cabes cabes den e prome set cu Bolivia ta gana esaki 7/6.

Pero despues Patrick ta recupera bon y ta gana e di dos set 6/3. Un di tres set mester a defini un ganador y aki den un tremendo set, e hungador di Bolvia tabatin e rosea mas largo y ta logra gana 7/5.

 

Den e dobel Aruba ta enfrenta Venezuela y e wega aki nos ta perde den forma dramatico den e di tres set 11/9. Apoya pa henter e delegacion di Aruba, e rumannan Sydow ta cuminsa bon y ta logra gana e prome set di Venezuela cu e score di 6/2, pero despues Venezuela ta bons bek y gana e di dos set.

Den e ultimo set esun decisivo, Aruba dado momento tabatin hasta un matchpoint, pero no ta probecha di obtene e punto unda cu Venezuela ta kibra e service di Aruba y alo largo manda e wega na nan fabor y gana e di tres set 11/9 y sigui avansa pa e next rond.

 

E rumannan Sydow por ta satisfecho cu nan prestacion, nan a duna bon bataya unda e scorenan ta papia pa su mes.

 

Top