Nino Thewet a fayece a consecuencia di heridanan recibi, Mientras cu Steve ta bringando pa su bida

SUCKER Garden (St. Maarten)– Tabata diamars ultimo, dia 14 di maart algo pasa di 10.30 di anochi dos persona a keda sorprendi y tira na un carwash na Arch Road.

Un di e victimanan a keda identifica como “Nino Thewet aka (Nino Brown),” kende ta doño di e e carwash.

 

Despues di verifica algun detayes, autoridadnan a haya sa for di algun miembro di famia masha ayega cu e doño di e carwash ta Nino Thewet, kende a recibi multiple impacto di bala y cu e tabata lucha pa su bida na St. Maarten Medical Center (SMMC).

Sinembargo despues di 12:00am diarazon dia 15 di maart, a drenta e noticia cu Nino Thewet a fayece a consecuencia di e tironan recibi.

 

Morto di Nino Brown ta ser considera di 4 asesinato di e aña aki na St. Maarten.

E di dos victima, ta den un condicion estable, pero critic. No por a confirma su nomber, pero e ta conoci como “Steve S.”.

Polis y Recherchenan a presenta n’e sitio di e crimen pa cuminsa cu nan investigacion.

 

Top