Nobena na honor di San Hose

Ken ta San Hose? San Hose ta Tata di Hesus, Esposo di Maria, Patriarca y Protector di Santa Iglesia Universal.

P’esey Parokia di e Birgen di Fatima lo tene un nobena na honor di San Hose, cuminsando 10 di maart despues di Misa di 7’or, kiermen pa 8’or di anochi.

 

E motibo di esaki ta pasobra cu den e luna di maart Parokia di e Birgen di Fatima tin bishita di e Birgen di Maria Peregrino, y tin un programa tur dia cu un grupo di oracion na turno lo ta resa dilanti di e Birgen y despues di esey tin Santo Sacrificio di Misa.

 

Riba diamars 14 di maart y diahuebs 16 di maart, ora cu tin training di koor, e grupo di oracion na honor di San Hose ta resa den Kapel di Santisimo Sacramento, despues di Misa.

E nobena ta te cu diasabra 18 di maart (Dia di Himno y Bandera) y lo tene e nobena normal tambe despues di Misa 7’or di anochi, kiermen 8’or di anochi.

 

Atrobe nos ta reitera: “Como cu tin Birgen Peregrino di Fatima di bishita na Parokia di e Birgen di Fatima no por tene e nobena mas trempan, como tin oracionnan dilanti di e Birgen Peregrino cu diferente grupo na turno pa mas o menos 6’or di atardi y sigui pa Santo Sacrificio di Misa pa 7’or, y riba diabierna 10 di maart y diabierna 17 di maart tin Caminda di Cruz pa 6’or y mey, p’esey no ta mira otro alternativa cu resa e nobena di San Hose despues di Misa.

 

San Hose su fiesta ta ser celebra cu un Santo Sacrificio di Misa Solem riba dialuna 20 di maart pa 7’or di anochi na Misa e Birgen di Fatima Dakota, pa motibo cu 19 di maart ta cay riba un diadomingo y durante cuaresma no ta celebra ningun fiesta di Santo riba diadomingo den cuaresma, p’esey e fiesta di San Hose ta ser celebra riba dialuna 20 di maart.

Ta invita tur deboto y pueblo di Aruba en general pa asisti sin falta na e nobena na honor di San Hose, e ehempel famoso di Santidad.

Top