Nomber y bandera di Aruba a briya durante 37 Congreso di FECC cuidad di Valletta, Malta

Cu participacion ehemplar di Marcia Stamper, Donald Croes y Rene Ridderstaat di Aruba, por bisa cu Aruba tabata debidamente representa na Valletta, Malta, durante e exitoso Congreso di FECC cu participacion di 170 miembro di FECC di 20 pais.

Ta di 5 biaha cu Malta ta anfitrion di e Congreso di FECC cu a wordu organisa pa un comision di Gobierno y patronisa pa prof.Alexiel Dingli, Alcalde di cuidad di Valletta, Malta cu cooperacion di directiva di FECC Malta.

 

Dialuna,prome dia tabata yegada di miembronan di FECC na Malta International Airport sigui cu regristacion na Seashell Resort na St.Pauls Bay.

Marcia Stamper, miembro di FECC pa 24 aña tabata e prome miembro pa ricibi e medaya di e di 37 Congreso di FECC, sigui pa Donald Croes y Rene Ridderstaat for di prof.Alcalde Alexiel Dingli di ciudad Valletta . Aruba tabata e prome pais cu ta wordo nombra segun alfabet.

Donald Croes y Rene Ridderstaat a ricibi un caluroso” Welcome ” for di FECC Int’ Board y di miembronan conoci despues di algun aña.

 

Diamars di dos dia tabata bishita oficial na Parlamento di Valletta Malta cu protocol. Eynan Presidente di Parlamento, prof.Anglu Farrugia a dirigi palabra y a desea tur pais presente un bon estadia na Malta y un bon di 37 Congreso di FECC, sigui pa prof.Alcalde Alexiel Dingli di ciudad Valletta y e ultimo Presidente Int’di FECC, Henk van der Kroon a dirigi palabra

y a entrega Parlamento un plakaat como muestra di gradicimento.

Despues a sigui  e acustumbrado Parade di Bandera den cuidad di Valletta di 20 Pais presente acompaña pa tur miembro di FECC y e acustumbrado potret di grupo Oficial di FECC.

Anochi tabatin e fabuloso anochi di Gala Dinner Carnavalesco na unda cu mayoria di miembro di FECC tabata den nan bunita trahe di Carnaval.

 

Diaranzon”di tres dia tabata dia di reunion di Presidium y Asamblea General. Prome cu Presidium a cuminsa Marcia Stamper a propone nomber di Pais Aruba cu el a pon’e aña pasa 2016 na Cottbus, Alemania durante 36 Congreso di FECC como candidato pa aña 2019 y a cambi’e pa aña 2020 unda cu FECC ta bay celebra su 40 Aniversario.

Na aña 1996 Marcia Stamper a logra na Slovenia pa hiba e di 17 Congreso di FECC pa Aruba cu apoyo di Don Milo Croes den felis memoria.

Colombia y Italia ta candidato pa 2019. Te cu awor Aruba y Croatia ta candidato pa Congreso di FECC pa aña 2020.  .

Na reunion di Presidium a atende Donald Croes y Marcia Stamper pa Aruba. Donald Croes a priminti cu e ta bay traha un relato di Aruba su Carnaval y Marcia Stamper a wordo gradici pa su colega President di FECC Der Nederlanden pa introduci varios miembro nobo di Aruba na Hulanda e aña aki. Anochi tabatin un dushi cena na Valletta Bastion.

 

Diahuebsdi 4 dia tabatin opcion pa bay Isla di Sicilia unda cu Donald Croes y Rene Ridderstaat a bay hunto cu 48 miembro di FECC y e otro miembronan di FECC a tuma diferente tour na Valletta .

 

Diabierna di 5 dia tabata un dia masha importante di presentacion di un proyecto di Marcia Stamper, un buki cu biografia di Henk van der Kroon, Fundador di FECC kende ta retira otro aña 2018 despues di 38 aña como Presidente Int’ di FECC na clausura di e di 38 Congreso di FECC na SABAC Serbia.

Algun colega di Marcia Stamper no a kere cu por a logra meta di su proyecto di dos aña. Pero cu Fe y Positivismo Marcia Stamper a logra. Marcia a busca escritor Vanja Oduber di Aruba kende a scirbi e prome buki di Carnaval di Aruba na aña 1996.

Ta na un Johnny Cake sunday aug-2015 di Bryan Bennett y Saira Koolman na Amsterdam el a topa cu yiu muher di Vanja Oduber y eynan contacto a cuminsa.

Marcia Stamper a busca apoyo di tres  Alcalde, un di Strumica y un di Prilep Macedonia y Alcalde di Pernik Bulgaria kende a sostene su proyecto.

Luna di augustus 2017, Marcia Stamper y Vanja Oduber a haya luz berde y por a sigui cu e buki.

Den e ultimo capitulo di e buki por bay mira un bon amigo di Henk van der Kroon di Aruba, ex miembro y miembronan di FECC Aruba y idioma Papiamento e.o.

 

Henk van der Kroon ta un di e persona grandi den Historia y Bida di Carnaval di Mundo.

Marcia Stamper coordinador di e buki a bisa Henk van der Kroon, danki na final di su discurso y cu su proyecto ta su regalo como muestra di gradicimento y respet na su persona.

Marcia Stamper ta un miembro di FECC pa 24 aña pa Aruba.

Leave a Reply

Top