Nominadonan infantil femenino y masculino te cu 13 aña den Premio Excelencia den Deporte

 

Na Aruba deporte mester hunga un rol importante den e bida diario di nos hendenan, principalmente e hubentud.

Deportista, dirigente y oficial di wega tin cu prepara nan mes debidamente pa por eherce nan funcion den un forma optimal.

Mescos cu ta sosede na otro paisnan, na Aruba tambe nos ta tira un bista atras riba e logronan di e personanan cu a sobresali tanto riba tereno local como den competencia deportivo di caracter internacional.

 

For di aña 2007 Minister di Deporte a yama un Comision hunto pa reconoce e logronan di nos atletanan local. Esaki no a bay sin e esfuerso y sacrificio di tanto e atletanan, coach, mayor y e federacionnan cu nan ta representa.

E aña aki un bes mas tin un grupo grandi di atleta femenino y masculino te cu 13 aña cu den un forma unico a sobresali den nan deporte sea ta na nivel local of internacional.

Cada un di e atletanan a traha duro den e aña deportivo 2016 y logra saca cara di nan federacion como tambe di Aruba.

 

P’e motibo aki tambe nan federacion a honra nan cu un nominacion den e evento Premio Excelencia den Deporte di aña 2016.

Siguientemente nos tin e lista di tur e nominadonan pa loke ta Premio Excelencia den Deporte 2016 den e categoria infantil (te cu 13 aña).

Femenino te cu 13 aña: Sofia van Reek – Tenis: Danby Velasquez – Kendo: Rebecca Jansen – Triathlon: Nikiana Thompson – Schermen: Amy Pichardo – Landamento: Avigayle Tromp – Landamento Sincronisa: Lixjandra Bello – Taekwondo: Thamara Sagastegui – Ahedrez.

 

Masculino te cu 13 aña: Ching Ho Chung – Ping Pong: Sebastian Ruiz – Tenis: Joshua Krozendijk – Ciclismo sec. Mountain Bike: Jaymier Janga – Ciclismo sec BMX: Cayle Vis – Ciclismo sec BMX: Joshua Wernet – Ciclismo sec BMX: Justin Morales – Triathlon; Jaydon Croes – Landamento: Elijah Mackay – Taekwondo: Joshua Klaber – Taekwondo: Ethan Croes – Ahedrez: Antwone Tromp – Little League Baseball: Bryon-Jaylen Rincones – Little League Baseball: Jeremy Dijkhoff – Pesas.

 

Un pabien n’e atletanan aki cu nan nominacion y exito pa nan tur.

Top