Nora Eleonora, candidato di ReD, presente den prome actividad di ReD pa publico diadomingo awor

Na prome lugar un pabien na tur hende muher riba Dia Internacional di Hende Muher y en especial na Nora Eleonora, kende a keda presenta como candidato di ReD na cas cu ta simboliza Laura Wernet Paskel, e prome hende muher riba un lista politico den historia di Aruba.

Y pabien tambe na pueblo di Aruba cu Dia di Himno y Bandera cu ta den porta.

 

Di acuerdo cu diretiva di ReD, Carnaval ta tra’i lomba y awor pueblo ta cuminza prepara pa tuma un decision importante na september proximo.

Manera nos a anuncia caba partido ReD ta bay participa na eleccion 2017. Pa mas informacion tocante nos partido blanco, bishita nos FB page: Red Democratico.

 

ReD ta bay tin su prome actividad publico diadomingo awor 12 di maart na Centro di Bario Tanki Leendert entre 10.00 y 13.00. E ta un koffiemorgen, cu koffie y bolo sabroso.

Tambe tin e posibilidad pa adkiri e sticker cu e lema di nos campaña: “Voz di Pueblo den Parlamento”.

 

Mas importante ainda ta pa sera conoci cu e lider nobo di ReD, sr. Ricardo Croes, y nos candidato cu ta representa e muhernan balente di Aruba, sra. Nora Eleonora.

Nos ta pidi tur nos miembronan, simpatizantenan y publico en general pa bin pasa un rato agradabel.

Luna di maart t’e periodo di celebracion di Himno y Bandera. For di 12 di maart nos ta drenta den e ambiente patriotico.

Si nos no defende nos Patria, ken otro lo hacie. Ban prepara pa castiga cu nos voto tur e politiconan cu solamente ta busca con pa enriquece nan mes riba custia di pueblo.

Pesey nos ta conta cu bo presencia, sin falta, diadomingo awor entre 10.00 y 13.00 na Centro di Bario Tanki Leendert.

 

Top