Nos ta warda Mamanan di Aruba pa nos canta pa boso

Ayera tardi, durante rueda di prensa na Marriott Aruba Ballroom, a duna comienso na e promocion pa e tan spera show pa nos Mamanan, 3 Galan cantando pa Mama. Fecha pa esaki ta 14 Mei 2017, cuminsando pa 7’or di anochi.

 

Boy Thode, den su mes un palabranan, a expresa cu despues di basta tempo e tei bek na Aruba como solista, ta warda e mamanan, kende semper a habri bras ape y a lague sinti su mes na cas

Banda di Boy, nos lo tin Tony Sherman, kende lamentablemente no por tabata presente pa e rueda di prensa, a manda un mensahe bon cla pa ambos Boy y Rocco: “Prepara pa laga tur cos riba scenario”, tabata e palabra nan manda pa Tony.

 

Pa caba di hinca e trio aki den otro, nos artista local, kende ta cosechando hopi exito den farandula na Aruba, ta Rodrick “Rocco” Franken, kende lo bai zona tur su cancion nan cu normalmente no ta wordo canta cu Buleria. Un di esaki nan sigur lo ta “Un Ehempel”, cual ta un cancion cu a wordo dedica na su queridisima mama.

 

Banda musical cu lo acompaña e 3 galannan aki ta Diwght Leoneta & Friends.

Un encargo, manera Dwight mes a bisa, basta grandi pero cu nan a tuma e challenge aki hopi na serio. Ta 3 cantante di taya grandi nos ta papia di dj’e, cada un cu nan mes un estilo, pero Dwight a duna su palabra cu su banda lo ta cla pa e show aki. Nos a compronde di Dwight cu lo tin un surprise act pero mane e mes a bisa, esaki ta un sorpresa cual lo wordo anuncia despues.

 

Un show asina, sigur no ta posibel sin e sponsornan. Pa esaki nos kier a duna un danki na Tropical Bottling Company, Marriott Aruba cu a pone nan Ballroom disponibel pa e evento grandi aki, Cover Girl kende nan a duna give aways pa e prome mamanan cu yega e show.

Sigur no por laga afor Elite Productions, kende nan ta encarga pa e set up y e sonido di e show.

 

Carchinan lo ta disponil desde dialuna awo, 24 di april 2017 na CITGO Esso Ville, CITGO Boulevard, CITGO Palm Beach y CITGO Santa Cruz. Lo tin un cantidad limita na early birds na balor di 65 florin y despues general lo bira 75 florin.

Pa VIP, esaki nan ta mesa di 6 persona, kendenan lo ricibi 2 boter di biña na cada mesa, na un balor di 900 florin. Lo tin mas sorpresa pa VIP cual lo wordo anuncia despues.

Leave a Reply

Top