OCA cu su competencia di Jinete y Amazona den Feria Himno y Bandera

Den ultimo weekend, Villa Floralina, e cas di e deporte di Paso Fino na Aruba a host e competencia di cabay Feria Himno y Bandera organisa pa Federacion Org. Caballista Arubano. Mientras e competencia a inicia diasabra, e diadomingo e mas hobennan a competi den e categorianan di Jinetes & Amazonas.

Mester bisa manera semper e competencia tabata uno fuertisimo unda e hobennan a duna un tremendo presentacion y demostra nan habilidad y tecnica den e deporte aki.

 

E hobencita Alani van Nicholson den categoria di principiante a logra titulo di Mihor Amazona 9-11 aña y Mathijs Peet den e categoria di Jinete 9-11.

Den e amazona 12-14 aña, Gabriella Piazzi a sali logra e Mihor Amazona, Genesis Pietersz a keda cu un promer puesto, sigi pa Ivana Weijers, Ashley Weijers, Alina Kock y Anasha Kock. Den 15-17 den e amazona Elizabeth Johnson den su prome salida den Amazonas Hubenil cu a bay cu e titulo di Mihor Amazona, Melanie Wever a keda na promer puesto, Zoey Arends cu segundo puesto, Natalia Mouawad cu un tercer puesto, Aaliyah Acosta cuater puesto y Noelani Figaroa cu un quinto puesto.

 

Den Jinetes 15-17 jinete Willem Werleman a bira e Mihor Jinete, Gianluca Curiel a keda cu promer puesto y Rodgerson Ras cu un segundo puesto.

Den Amazonas 18-20 a conta cu un participante, caminda Huez a declara Eva Pols e Mihor Amazona, y den Jinetes 18-20 Dwayne Chirino a keda Mihor Jinete.

Caitlin Ras a keda Mihor Amazona den 21-24 aña, y den e Jinetes Jordy Wever a sali e ganador sigi pa Mark Bruin.

 

Na final di e anochi tur e amazona y jinete cu a obtene un mihor of promer puesto por a competi, aki Huez a scoge 3 participante pa un prueba adicional, despues el a declara Melanie Wever como Campeon de Campeones, sigi pa Gianluca Curiel, y Elizabeth Johnson. Un pabien na tur participante.

Un danki na Lotto cu pa medio di Comision di Subsidio a subsidia e competencia di OCA relaciona cu Himno y Bandera.

Top